Jelmah Herbella - Te

Jelmah Herbella er fyrirtæki sem var stofnað árið 2019 af Fatou Manneh. Jelmah Herbella vinnur með bændum að því að framleiða lífrænar jurtir í stórum stíl í gegnum regnhlífasamtök, hvetur konur til að stunda vistrækt, þ.e. rækta jurtir í bakgörðum sínum í bíldekkjum, sekkjum, brotnum pönnum og selja jurtir og kornrækt á áreiðanlegan markað til að afla sér auka tekna. Fatou Manneh er ung kona frá Gambíu sem er með BA gráðu í þróunarnámi frá háskólanum í Gambíu og er þjálfari í Empretec verkefninu. Þar er lögð áhersla á að fræða frumkvöðla, bændur og söluaðila til að auðvelda sjálfbæra þróun og vöxt án aðgreiningar. 

Fatou sérhæfir sig í frumkvöðlastarfi, sérstaklega til að mennta og styrkja konur og leiðbeinir hún yfir 2000 konum í Gambíu. Fatou hefur mikla ástríðu fyrir lífrænum jurtum og þjálfun faglærðra og hálffaglærðra leiðbeinenda í lífrænni jurta-, ávaxta- og grænmetisframleiðslu og kviknaði áhugi hennar á lífrænum jurtum þegar hún var mjög ung og sá jurtirnar vaxa náttúrulega í þorpinu sínu og voru þær notaðar af fjölskyldu hennar í te bæði kvölds og morgna.

Nafnið Jelmah þýðir "veldu mig" og Herbella þýðir "fegurð hennar". 

Við bjóðum upp á þrjár tegundir af tei frá Jelmah Herbella, engifer te, piparmyntu te og hibiscus te.  Teið fáum við frá Kubuneh/Allir skipta máli sem er góðgerðarfélag í Vestmannaeyjum og er m.a. með verslun þar. Allur ágóði af versluninni fer í rekstur heilsugæslu í þorpinu Kubuneh í Gambíu og erum við stoltar að geta tekið þátt í þessu verkefni með þeim með sölu á teinu.