Pestemal Pom Pom handklæði, drapplitað

Þetta er algjör dúlludúskur

...og er gert úr 100% náttúrulegri bómull, þornar einstaklega hratt, dregur í sig meiri vökva og tekur mun minna pláss en hefðbundin handklæði. Jacquard-vefnaðurinn og falleg hönnunin gefa því einstakan bóhemstíl sem hentar jafnt á ströndina, í bað eða í jógatímann.

Stærð: 95x180 cm
Þyngd: 290 gr
Efni: 100% náttúruleg tyrknesk bómull
Krúttlegir dúskar á endum

Þvottaleiðbeiningar
Hiti: Best er að þvo við 30-40°C á viðkvæmri stillingu
Ekki er mælt með að nota mýkingarefni þar sem það minnkar rakadrægnina
Þurrkun: Best er að hengja upp á snúru (þornar á svipstundu) eða nota mjög lágan hita í þurrkara
Mýkt: Handklæðið verður mýkra og rakadrægara með hverjum einasta þvotti

Fróðleiksmoli: Hvað er flatofið hammam handklæði og hvað er þetta Jacquard?
Hammam handklæði eiga sér ríka sögu og voru upprunalega hönnuð fyrir hin hefðbundnu tyrknesku baðhús (hammam). Þau eru ofin alveg flöt og jöfn í stað þess að nota hefðbundnar handklæðalykkjur. Þessi tækni gerir það að verkum að handklæðið er fislétt og tekur sáralítið pláss í töskunni eða skápnum. Þar sem vefnaðurinn er flatur hrindir hann náttúrulega frá sér sandi, sem gerir það að fullkomnu strandhandklæði, auk þess sem það dregur einstaklega vel í sig vökva og þornar mun hraðar en venjuleg handklæði.

Jacquard-vefnaður er síðan vönduð tækni þar sem flókin og falleg munstur eru ofin beint inn í sjálfa uppbyggingu efnisins í stað þess að vera prentuð ofan á það. Þetta gerir það að verkum að munstrið dofnar hvorki né slitnar af í þvotti. Vefnaðurinn er einstaklega sterkur, heldur formi sínu vel og gefur handklæðinu dýrmæta áferð þar sem munstrið kemur oft fallega út á báðum hliðum. 

Umbúðir: engar

Framleitt í Tyrklandi