Negul ilmkjarnaolía (Clove bud), 10 ml - Amphora Aromatics

Negul ilmkjarnaolía (Eugenia caryophyllus/Clove Bud Oil)
Negul ilmkjarnaolía er dásamleg, vermandi vetrarolía með sætum kryddkeim.  Prófið að blanda henni saman við ilmkjarnaolíur úr appelsínu, furu og kanil í olíubrennara til að fá jólailm í húsið.
Negull er náttúrulega örvandi og orkugefandi olía. Löng hefð er fyrir notkun neguls til að styrkja ónæmiskerfi, vinna á ýmsum vandamálum tengdum meltingunni og eins getur negull hjálpað gegn kvefi og öðrum kvillum í öndunarfærum. Negul olían hefur lengi verið notuð sem staðbundið verkjalyf í tannlækningum og getur hjálpað að nudda henni á tannholdið ef um tannverk eða sýkingar er að ræða og eins má nota hana í munnskol. Vegna bólgueyðandi, verkjastillandi og vermandi eiginleika er gott að nota negul í nuddblöndur á auma vöðva t.d. eftir æfingar.
Olían er unnin með gufueimingu og tónninn er miðtóna.
Negul ilmkjarnaolía blandast vel með benzoin, kanil, engifer, sandalvið, clary sage, lavender og basil.

Notkun:
Hægt er að setja olíuna í ilmolíubrennara, setja þá 3-5 dropa af olíunni í vatn áður en kveikt er á kertinu undir. Fyrir rafdrifna ilmolíudreifara fylgið leiðbeiningum framleiðanda. Magn olíu sem notuð er fer eftir stærð rýmisins en gott er að byrja á 4-5 dropum og auka svo við ef þörf er á.
Fyrir blöndun á líkamsolíu þá er góð þumalputtaregla að setja 20 dropa af ilmkjarnaolíu út í 100 ml af grunnolíu.

Varúð:
Til að forðast ertingu eða ofnæmisviðbrögð er gott að setja einn dropa af ilmkjarnaolíunni beint á húðina til að sjá hvernig hún bregst við en við mælum með að blanda alltaf ilmkjarnaolíum út í grunnolíu áður en hún er borin á húð til að forðast ertingu. Geymið ilmkjarnaolíuna þar sem börn ná ekki til og fjarri sólarljósi. Ef olían berst í augu er best að setja t.d. ólífuolíu fyrst í augað og skola síðan með vatni. Leitið til læknis ef erting hættir ekki. Olían er eingöngu ætluð til útvortis notkunar.
Fyrir frekari upplýsingar um heilunareiginleika og notkun ilmkjarnaolía er best að leita til ilmkjarnaolíufræðings.

Uppruni: Indónesía
Pakkað í Bretlandi í glerflösku með áskrúfuðum plasttappa.
Vottað eftir IFRA stöðlum (IFRA - International Fragrance Association)