Jójóba olía 100 ml. Lífræn

Lífræn Jójóba olía.

Inniheldur: Simmondsia chinensis. Kaldpressuð jójóba olía.

Jojoba er í rauninni frekar vax en olía, en nýtist sem létt burðarolía og er góður grunnur fyrir margskonar andlitsolíu blöndur.  Einn besti eiginleiki Jojoba er að það líkist mjög okkar náttúrulegu húðfitu.  Þetta gerir það að verkum að Jojoba olían er mjög góð fyrir þá sem eru með feita húð því hún kemur jafnvægi á fituframleiðsluna og getur þannig minnkað líkur á bólumyndun.  Jojoba er einnig rík af E-vítamíni og nýtist því einnig þeim sem eru með þurra og þroskaða húð sem þarf góða næringu. 

Jojoba olíu má nota sem andlitshreinsi og er henni þá nuddað á andlitið og síðan þvegin af með volgu vatni eða þvottapoka

Einnig er olían frábær sem hárnæring eða maski, annað hvort óblönduð eða blönduð með uppáhalds ilmkjarnaolíunni. Hárið er fyrst þvegið og aðeins þurrkað með handklæði, Jojoba olíu nuddað í hárið frá rót og út í enda og svo röku handklæðinu vafið um hárið.  Olían er látin bíða í hárinu í 10 mínútur og síðan þvegin úr með smávegis sjampói.

Jojoba olía blandast vel með öllum öðrum grunnolíum og er einna vinsælast að blanda henni með möndluolíu fyrir góða og nærandi andlits- eða líkamsolíu ásamt t.d. Sandalvið, Rós eða Palmarosa ilmkjarnaolíum.

Jojoba runninn kemur upprunalega frá eyðimerkursvæðum í suðvesturhluta Bandaríkjanna þar sem frumbyggjar notuðu jurtina bæði til lækninga og snyrtingar en er í dag ræktuð á mörgum þurrum svæðum frá Ísrael til Suður Ameríku.

Varúð:

Geymist þar sem börn ná ekki til. Geymist fjarri sólarljósi. Aðeins ætlað til notkunar útvortis.

Uppruni: Ísrael.

Pakkað í Bretlandi í glerflösku með áskrúfuðum plasttappa.