Sveppaferð Misturs og Guðríðar Gyðu sveppafræðings

Á fimmtudaginn kemur, þann 13. ágúst nk. leggjum við land undir fót hér á höfuðborgarsvæðinu og smellum okkur í sveppaferð. Með í för verður Guðríður Gyða Eyjólfsdóttir sveppafræðingur og Yfirvaldið á Facebookhópnum Funga Íslands - sveppir ætir eður ei" en hún á mikinn heiður skilinn fyrir óeigingjarnt starf og fræðslu á þeim vettvangi.

Ætlunin er að fræðast um sveppi í íslenskri náttúru, hverjir eru ætir og hvaða sveppi ber að varast. Guðríður Gyða mun fræða þátttakendur um það sem þeir geta mögulega fundið á svæðinu áður en gestir tölta af stað í leit að sínum eigin sveppum. Þegar þeir snúa til baka mun Guðríður hjálpa þeim að greina sveppina og segja meira frá þeim. Einnig er stefnt á að verka sveppi, elda og gefa gestum færi á að smakka og í leiðinni sjá hvernig er gott að bera sig að við verkun á sveppum eftir tínslu.

Þátttakendum er bent á að taka með sér;

• sveppahníf, - getur líka pantað hér og við komum með hann á fimmtudaginn.
• körfu og mögulega grisju yfir hana,
• annað víðbotna ílát fyrir sveppi sem fólk þekkir ekki til að halda þeim aðgreindum. 
• stækkunargler

Gott er að vera vel skóaður og hafa með sér vatnsflösku. 

Þátttökugjald er 2000 kr. og hægt er að kaupa aðgang hér.

Viðburðurinn hefst kl. 17:30 og áætluð lengd er 1,5 - 2 klst.

Nánari staðsetning verður send í tölvupósti á þátttakendur þegar nær dregur. Því er nauðsynlegt að fylla út netfang.