Fyrir einhverjum árum þegar ég stóð við vaskinn og vaskaði upp og notaði til þess ónefndan uppþvottalög varð mér hugsað til þess hversu margir væru að vaska upp akkúrat á því augnabliki. Ég bý við frekar stóra götu og því eflaust mjög margir að ganga frá eftir kvöldmat. Þó svo að ég færi afar sparlega með uppþvottalöginn, einn og einn dropa í senn, eða útþynntan með vatni, leiddi ég ósjálfrátt að því hugann hversu margir dropar af uppþvottalegi rynnu út í vistkerfið bara úr minni götu þetta kvöld. Útfrá mjög óvísindalegri könnun og skot í myrkri áætlun var niðurstaðan sú að eflaust gæti magnið hlaupið á einum til tveim brúsum af uppþvottalegi. Uppþvottalegi með allskonar kemískum efnum sem geta haft skaðleg áhrif á umhverfið. Eftir einn kvöldverð í einni stórri götu! Hvað væri magnið þá í heilu hverfi, bæ, borg eða landi?
Það er því illmögulegt að lýsa því með orðum hversu mikil hamingja varð á heimilinu þegar ég datt um uppþvottakubbinn frá No Tox Life. Stundum þarf bara svo lítið til að gleðja mann :) Hann virkar ekki bara vel, á næstum allt, heldur er tilfinningin sem fylgir því að nota svona hreinar vörur og vissan um það að maður sé ekki að senda mengandi efni út í umhverfið svo góð. Svo dæmalaust góð.
Nýr kubbur var tekin í notkun í febrúar síðastliðnum og hann er ekki enn búinn. Frábær ending þrátt fyrir daglega notkun.
Þú getur nálgast uppþvottakubbinn á eftirtöldum stöðum: Bast, Fjarðarkaup, Frú Laugu, Heilsuhúsinu, Kokka, Melabúðinni, Mena og Sambúðinni. Já, og hér hjá okkur.
Kveðja - Þórunn