Moya matcha með Ceylon kanil a la Kaja

Nú á dögunum birtum við smá myndband með Kaju hjá Kaja Organics þegar hún skottaðist til okkar með meira af hinum geysivinsæla lífræna Ceylon kanil.

Í þessu myndbandi spurðum við hvernig hún noti kanil helst og það kom svo sannarlega á óvart því hún notar hann helst í Moya matcha latte. Við urðum því að sjálfsögðu að falast eftir þeirri uppskrift sem var auðsótt og hér kemur uppskriftin hennar ásamt mynd.

200 ml. flóuð Barista haframjólk (eða mjólk að eigin vali)
1 tsk Moya matcha premium
1/2 tsk hunang til að sæta (má sleppa)
dass af Ceylon kanil

Mjólkin er flóuð og matcha sett beint þar útí og pískað vel. Því næst hunang eða önnur sæta ef vill og svo skreytt og toppað með Ceylon kanil.

En af hverju þessi mikla áhersla á Ceylon kanil?

Ceylon kanill, hinn sanni kanill er talin mun hollari en cassía kanill þar sem hann inniheldur lítið sem ekkert kúrmarín. Rannsóknir á einangruðu kúrmarín hafa sýnt fram á að ef kúrmarín er tekið í stórum skömmtum geti það valdið blóðþynningu, lifrarskaða og ýtt undir myndun krabbameinsfruma. 

*Ath. ekki er ráðlagt að setja matcha út í vöka sem er heitari en 80 gráður því þá dregur úr gæðum tesins.