20% afsláttur af Naturlig Deo svitakremi

Deo Svitakrem

Við ákváðum að létta undir með henni Söru hjá Naturlig Deo á tveimur tegundum af svitakremum vegna dagsetningar. Um er að ræða fótsvitakremið með dagsetningu í ágúst og kókoskremið 60 ml. í maí.  Aðeins er um nokkrar krukkur að ræða í hvorri tegund fyrir sig þannig að nú er um að gera að grípa gæsina því 20% afsláttur er afar sjaldséður hér. 

Fótsvitakremið hefur hreinlega bjargað lífi fjölskyldumeðlima hér á bæ en þegar ungir menn fara í vinnu í mjög lokuðum skóm er voðinn nefnilega vís. Þegar farið var að örla á andarteppu, súru lofti og almennri vanlíðan þá var þessum unga manni vinsamlega bent á að bera fótsvitakremið á sig, sama hvað. Eftir að það fór í notkun hefur lífið verið tóm sæla. Það má reyndar alveg bæta því við að það er ekkert því til fyrirstöðu að nota fótsvitakremið einnig undir hendurnar.

Kókoskremið er fáanlegt í 15, 60 og 200 ml. krukkum en það er 60 ml. krukkan sem er með þessum afslætti núna.


Eldri færslur Yngri færslur