Ólífuolíu- og kókoshnetu sápa með morgunfrú 70 gr.

Handgerð íslensk olífu og kókoshnetu handsápa sem mun fá þig til að brosa bara við það eitt að sjá hana, hún lítur nefnilega út alveg eins og rjómaís. Svo ilmar hún líka dásamlega með mildum keim af greipaldin og morgunfrú.

Ólífu og kókoshnetusápan er algjör veisla fyrir húðina þar sem ólífu- og kókosolía vinna einstaklega vel saman, gefa húðinni góðan raka, berjast gegn óæskilegum bakteríum og er auðug af A,D og E vítamínum.

Kókoshnetuolía hjálpar til við að fjarlægja dauðar húðfrumur og hefur jákvæð áhrif á kollagenmyndun húðarinnar.

Morgunfrú (calendula) veitir vörn gegn bakteríum og sveppum, hefur bólgueyðandi eiginleika og virkar vel með dásamlegum ilmi af greipaldin sem gefur sápunni skemmtilegan og frísklegan, en samt mildan blæ.

Hvert sápustykki er einstakt og heimagert sérstaklega fyrir þig og við vonum að þú njótir hennar.

Innihald: Olífuolía, kókoshnetuolía (lyktarlaus), vatn, morgunfrú (calendula), greipaldin ilmkjarnaolía, sodium hydroxide.
Þyngd u.þ.b. 70-80 gr.

Sápunni er handpakkað í umbúðir úr endurunnum pappír.

Þó svo að sápan líti út eins og rjómaís á eingöngu að nota hana útvortis.